ആലപ്പുഴ: സിജി ജില്ലാ ചാപ്റ്റര്‍ ഇമാദ് പ്രത്യേക വിദ്യാഭ്യാസ പദ്ധതിയുടെ ഭാഗമായി ആരംഭിച്ച ദ്വിദിന റസിഡന്‍ഷല്‍ ക്യാമ്പ് ആലപ്പുഴയില്‍ ആരംഭിച്ചു. മുനിസിപ്പല്‍ ചെയര്‍മാന്‍ തോമസ് ജോസഫ് ഉദ്ഘാടനം ചെയ്തു. സിജി ടൗണ്‍ ചാപ്റ്റര്‍ ചെയര്‍മാന്‍ അഡ്വ. എ. എ റസാഖ് അധ്യക്ഷത വഹിച്ചു.
സെന്റ് ജോസഫ് കോളജ് പ്രിന്‍സിപ്പല്‍ ഡോ. സിസ്റ്റര്‍ ജാനറ്റ് ആഗസ്തിന്‍ മുഖ്യപ്രഭാഷണം നടത്തി. ജില്ലാ കോഓഡിനേറ്റര്‍ സുഹൈല്‍ വൈലിത്തറ, പരിശീലകന്‍ സിജി ആന്റണി, സുഹൈല്‍ സേട്ട്, അബ്ദുല്‍ റഷീദ്, റഫീഖ്, താബിര്‍, അഖ്‌നസ്, ഹാരിസ് സേട്ട് തുടങ്ങിയവര്‍ സംസാരിച്ചു.
സാമ്പത്തികമായി പിന്നോക്കം നില്‍ക്കുന്ന 40 കുട്ടികള്‍ക്ക് വിദ്യാഭ്യാസത്തിന് ആവശ്യമായ മുഴുവന്‍ കാര്യങ്ങളും സിജി ഏറ്റെടുത്തിട്ടുണ്ട്. അവര്‍ക്ക് വേണ്ടിയുള്ള ക്യാമ്പാണ് നടത്തിയത്.
ഇന്ന് വൈകിട്ട് നാലിന് നടക്കുന്ന സമാപന സമ്മേളനം നഗരസഭ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ അഡ്വ. ജി. മനോജ്കുമാര്‍ ഉദ്ഘാടനം ചെയ്യും.