കണ്ണൂര്‍: ലോക പ്രശസ്തമായ ചിത്രങ്ങളും കലാസൃഷ്ടികളും പ്രദര്‍ശിപ്പിക്കുന്നതിനും ചിത്രകാരന്മാര്‍ക്കു സ്ഥിരം വേദിയെന്ന നിലയിലും പയ്യാമ്പലം ഗവ. വനിതാ ടി.ടി.ഐയില്‍ ചിത്രകലാ ആര്‍ട് ഗാലറി തുറന്നു. പ്രശസ്തരായ 24 ചിത്രകാരന്മാരുടെ ചിത്രങ്ങളാണ് ആദ്യപ്രദര്‍ശനത്തില്‍ ഉള്‍പ്പെടുത്തിയത്. മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്തു. മേയര്‍ ഇ. പി ലത അധ്യക്ഷയായി. പി.കെ ശ്രീമതി എം.പി മുഖ്യപ്രഭാഷണം നടത്തി. കോര്‍പറേഷന്‍ കൗണ്‍സിലര്‍ ഒ രാധ, നാടകകൃത്ത് എം.കെ മനോഹരന്‍, ടി.ടി.ഐ മെന്‍ പ്രിന്‍സിപ്പല്‍ പി.ആര്‍ വസന്ത് കുമാര്‍, പി.ടി.എ പ്രസിഡന്റ് കെ ലക്ഷ്മണന്‍, ചിത്രകാരന്‍ സതീഷ് തോപ്രത്ത്, പ്രിന്‍സിപ്പല്‍ എന്‍ ജയശ്രീ, കെ.വി പ്രവീണ്‍കുമാര്‍ സംസാരിച്ചു. കുട്ടിവരകളിലെ ആത്മകഥകള്‍ എന്ന വിഷയത്തില്‍ ചിത്രകാരന്‍ ഭാഗ്യനാഥ് ക്ലാസെടുത്തു.