ഉദുമ: എരോലില്‍ വീട്ടുമുറ്റത്ത് നിര്‍ത്തിയിട്ട ബൈക്ക് തീവെച്ചു നശിപ്പിച്ച നിലയില്‍ കണ്ടെത്തി. എരോല്‍ കേരമൂലയിലെ ബി.ജെ.പി പ്രവര്‍ത്തകന്‍ അനില്‍ കുമാറിന്റെ കെ.എല്‍ 60 എച്ച് 6649 ബൈക്കാണ് അഗ്നിക്കിരയാക്കിയത്. തേപ്പ് ജോലിക്കാരനായ അനില്‍ ജോലികഴിഞ്ഞെത്തി ശനിയാഴ്ച രാത്രി വീട്ടുമുറ്റത്ത് നിര്‍ത്തിയിട്ടതായിരുന്നു. ഇന്നലെ പുലര്‍ച്ചെ ഉറക്കമുണര്‍ന്നു നോക്കിയപ്പോഴാണ് കത്തിയ നിലയില്‍ ബൈക്ക് കണ്ടത്. അനിലിന്റെ പരാതിയില്‍ ബേക്കല്‍ പൊലിസ് കേസെടുത്ത് അന്വേഷണം തുടങ്ങി. തന്നോട് ആര്‍ക്കും വൈര്യാഗമൊന്നുമില്ലെന്നും അതുകൊണ്ടു തന്നെ ആരെയും സംശയമില്ലെന്നുമാണ് അനില്‍ പോലിസില്‍ മൊഴി നല്‍കിയിരിക്കുന്നത്.