ശ്രീകണ്ഠപുരം: തളിപ്പറമ്പ് ഇരിട്ടി സംസ്ഥാന പാതയില്‍ റോഡരികില്‍ മാലിന്യം തള്ളുന്നതു കാരണം യാത്രക്കാര്‍ക്കു ദുരിതമാകുന്നു. നിടുവാലൂര്‍  ചേരംകുന്നുവളവില്‍ ചാക്കുകെട്ടോടെ  മാലിന്യം തള്ളുന്നതു പതിവാകുന്നു. ഭക്ഷണ അവശിഷ്ടങ്ങളും നിര്‍മാണമേഖലയിലെ ബാക്കി വന്ന വസ്തുക്കളും വാഹനങ്ങളില്‍ കൊണ്ടു വന്നുതള്ളുകയാണ്.  ഇതു കാരണം കാല്‍നടയാത്രക്കാര്‍ക്കു റോഡരികിലൂടെ മൂക്കു പൊത്തി പോകേണ്ട അവസ്ഥയാണുള്ളത്.