ഹരാരെ: സിംബാബ്‌വേക്കെതിരായ ഒന്നാം ക്രിക്കറ്റ് ടെസ്റ്റില്‍ ശ്രീലങ്കക്ക് 169 റണ്‍സ് ലീഡ്. ശ്രീലങ്ക ആദ്യ ഇന്നിങ്‌സില്‍ 537 റണ്‍സെന്ന കൂറ്റന്‍ സ്‌കോര്‍ സ്വന്തമാക്കിയപ്പോള്‍ സിംബാബ്‌വേയുടെ പോരാട്ടം 373 റണ്‍സില്‍ അവസാനിച്ചു.  മൂന്നാം ദിനം കളി നിര്‍ത്തുമ്പോള്‍ രണ്ടാമിന്നിങ്‌സ് തുടങ്ങിയ ലങ്ക വിക്കറ്റ് നഷ്ടമില്ലാതെ അഞ്ചു റണ്‍സെടുത്തിട്ടുണ്ട്.
എട്ടാമനായി ക്രീസിലെത്തിയ നായകന്‍ ഗ്രെയിം ക്രെമര്‍ പുറത്താകതെ നേടിയ കന്നി ടെസ്റ്റ് സെഞ്ച്വറി (102)യുടെ മികവില്‍ സിംബാബ്‌വേ ഫോളോ ഓണ്‍ ഒഴിവാക്കി പൊരുതി നിന്നു. മുന്‍നിര തകര്‍ന്നപ്പോള്‍ വാലറ്റത്തെ കൂട്ടുപിടിച്ചാണ് ക്രെമര്‍ ടീമിനെ രക്ഷിച്ചെടുത്തത്. പി.ജെ മൂര്‍ (79), ടിരിപനൊ (46) എന്നിവര്‍ നായകനെ പിന്തുണച്ചു. മുന്‍നിരയില്‍ മവോയൊ (45), മസാകട്‌സ (33) എന്നിവര്‍ മാത്രമാണ് തിളങ്ങിയത്. ലങ്കക്കായി ലക്മല്‍, ഹെറാത് എന്നിവര്‍ മൂന്നു വീതവും പെരേര രണ്ടു വിക്കറ്റും വീഴ്ത്തി.