കോഴിക്കോട്: കല്ലായി സോക്കര്‍ അക്കാദമിയുടെ ആഭിമുഖ്യത്തില്‍ നടത്തിയ സോക്കര്‍ ഫെസ്റ്റ് സമാപിച്ചു. സബ്ജൂനിയര്‍, ജൂനിയര്‍, സീനിയര്‍, വെറ്ററന്‍ വിഭാഗങ്ങളില്‍ ഫുട്‌ബോള്‍ മത്സരം നടത്തി. കല്ലായിയിലെ മുന്‍കാല ഫുട്‌ബോള്‍ താരങ്ങളായ കെ.എം കാദിരിക്കോയ, കെ.യു ഉസ്മാന്‍ കോയ, കബീര്‍ ദാസ്, ടി. ശശി, രാമചന്ദ്രന്‍ എന്നിരെ ആദരിച്ചു.
വനിതകള്‍ക്കായി ഷൂട്ടൗട്ട് മത്സരം, ലമണ്‍ സ്പൂണ്‍ മത്സരം, കുട്ടികള്‍ക്കായി ബലൂണ്‍ പൊട്ടിക്കല്‍ മത്സരം എന്നിവ സംഘടിപ്പിച്ചു. ഉമ്മര്‍, ഷാനവാസ്, ഫിറോസ്, റിയാസ് തിരുവണ്ണൂര്‍, നുജൂം ബോംബെ, സക്കീര്‍, മആദ് നേതൃത്വം നല്‍കി.