കോഴിക്കോട്: 1.100 കിലോഗ്രാം കഞ്ചാവുമായി യുവാവ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍ക്കോട്ടിക് സ്‌പെഷല്‍ സ്‌ക്വാഡിന്റെ പിടിയിലായി. ഇന്നലെ രാവിലെ കൊയിലാണ്ടി ഭാഗത്തു നടത്തിയ റെയ്ഡിലാണ് ബുള്ളറ്റ് ബൈക്കില്‍ കറങ്ങി കഞ്ചാവ് വില്‍പ്പന നടത്തുന്ന കൊയിലാണ്ടി വലിയകത്ത് ദര്‍ഗാപാലസില്‍ സൈദ് ഷൗക്കത്തലി (38) പിടിയിലായത്.
ചിങ്ങപുരം, നന്തി, പുറക്കാട്, കൊയിലാണ്ടി കടപ്പുറം ഭാഗങ്ങളില്‍ വര്‍ഷങ്ങളായി വന്‍തോതില്‍ കഞ്ചാവ് കച്ചവടം നടത്തിവരുകയായിരുന്നു ഇയാള്‍. അസി. എക്‌സൈസ് കമ്മിഷണര്‍ എം.എസ് വിജയന് ലഭിച്ച വിവരത്തെ തുടര്‍ന്ന് നടത്തിയ പരിശോധനയില്‍ എക്‌സൈസ് ഇന്‍സ്‌പെക്ടര്‍ പി. മുരളീധരന്‍, അസി. എക്‌സൈസ് ഇന്‍സ്‌പെക്ടര്‍ യൂസഫ്, സിവില്‍ എക്‌സൈസ് ഓഫിസര്‍മാരായ രാമകൃഷ്ണന്‍, യു.പി മനോജ്കുമാര്‍, ബിജുമോന്‍, ഗംഗാധരന്‍, സജീവന്‍, മനു, ഒ.ടി മനോജ് പങ്കെടുത്തു