ബദിയടുക്ക: ക്വാര്‍ട്ടേഴ്‌സ് മുറിയില്‍ സൂക്ഷിച്ച 10,350 പായ്ക്കറ്റ് പുകയില ഉല്‍പ്പന്നങ്ങളുമായി ഒരാള്‍ അറസ്റ്റില്‍. ഉക്കിനടുക്കയിലെ ക്വാര്‍ട്ടേഴ്‌സില്‍ താമസിക്കുന്ന അബ്ദുല്ല(56)ാണ് അറസ്റ്റിലായത്. രഹസ്യവിവരത്തെത്തുടര്‍ന്ന് ബദിയടുക്ക അഡീഷണല്‍ എസ്.ഐ. എന്‍.കെ ബാലകൃഷ്ണന്റെ നേതൃത്വത്തില്‍ നടത്തിയ പരിശോധനയിലാണ് കേരളത്തില്‍ നിരോധിച്ച മധു, മാരുതി, ചൈനിഗൈനി, ബുഡ്ക്ക തുടങ്ങിയ പുകയില ഉല്‍പ്പന്നങ്ങള്‍ പിടികൂടിയത്. പെട്ടിയിലും ചാക്കുകെട്ടിലുമായി കിടപ്പ് മുറിയിലെ കട്ടിലിനടിയില്‍ സൂക്ഷിച്ച നിലയിലായിരുന്നു ഇവ.