മലപ്പുറം: ജില്ലാ കോടതി വളപ്പില്‍ നിര്‍ത്തിയിട്ട വാഹനത്തില്‍ നിന്നും സ്‌ഫോടനം. ശബ്ദം കേട്ടവരെല്ലാം തല്‍ക്ഷണം ഓടി രക്ഷപ്പെട്ടു. ഇന്ന് ഉച്ചക്ക് 1:05 ഓടെയാണ് സംഭവം.ജില്ലാ മെഡിക്കല്‍ ഹോമിയോ ഓഫിസറുടെ വാഹനത്തിലാണ് സ്‌ഫോടനമുണ്ടായത്. സ്‌ഫോടനത്തിന്റെ കാരണം വ്യക്തമല്ല.

പൊലിസും, അഗ്നിശമന സേനാ പ്രവര്‍ത്തകരും സ്ഥലത്തെത്തി പരിശോധന നടത്തി. പെട്ടെന്ന് ബോംബ് പൊട്ടുന്നതു പോലെ ശബ്ദം കേട്ടതായും ദൃക്‌സാക്ഷികള്‍ പറയുന്നു. സമീപത്തുള്ളവരെയെല്ലാം ഉടന്‍ തന്നെ മാറ്റി. തൊട്ടടുത്ത നിര്‍ത്തിയിട്ട കാറുകള്‍ക്ക് നേരിയ രീതിയില്‍ കേടുപാടുകള്‍ സംഭവിച്ചു. പൊട്ടിത്തെറിച്ച വാഹനത്തിന്റെ മുന്‍വശത്തെ പ്രധാന ഗ്ലാസ് തകര്‍ന്നു.