ന്യൂഡല്‍ഹി: ഡല്‍ഹിയില്‍ ഷാഹ്ദരയില്‍ കെട്ടിടത്തില്‍ വന്‍ തീപ്പിടുത്തം. അപകടത്തില്‍ മൂന്നു പേര്‍ മരണപ്പെട്ടു. പത്ത് പേര്‍ക്ക് പരുക്കേല്‍ക്കുകയും ചെയ്തു. ഷാഹ്ദരയിലെ മോഹന്‍പാര്‍ക്കിലെ കെട്ടിടത്തിലാണ് തീപ്പിടുത്തമുണ്ടായത്. വൈദ്യുത റിക്ഷകള്‍ പാര്‍ക്ക് ചെയ്ത ഭാഗത്താണ് തീപ്പിടുത്തമുണ്ടായത്.

റിക്ഷകള്‍ രാത്രി ചാര്‍ജ് ചെയ്യുന്നതിനിടെയുണ്ടായ ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് കരുതുന്നത്. പൊലിസും ഫയര്‍ഫോഴ്‌സും സ്ഥലത്തെത്തി തീയണച്ചു. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു.