ആലപ്പുഴ: പക്ഷിപ്പനി ബാധിച്ചതിനെ തുടര്‍ന്ന് താറാവുകളെ കൊന്നൊടുക്കിയ പ്രദേശങ്ങള്‍ മൃഗസംരക്ഷണ വകുപ്പ് മന്ത്രി കെ രാജു ഇന്ന് സന്ദര്‍ശിക്കും. രാവിലെ 9.30ന് ആലപ്പുഴ ഗസ്റ്റ് ഹൗസില്‍ ജനപ്രതിനിധികളുടേയും ഉദ്യോഗസ്ഥരുടേയും യോഗം ചേരും. രോഗബാധിത മേഖകളിലെ എം എല്‍ എ മാര്‍, ജില്ലാ കലക്ടര്‍, മൃഗസംരക്ഷണ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
തുടര്‍ന്ന് പക്ഷിപ്പനി ബാധിത പ്രദേശങ്ങളായ തകഴി, മുട്ടാര്‍, പള്ളിപ്പാട്, ചെറുതന എന്നിവിടങ്ങളില്‍ മന്ത്രി സന്ദര്‍ശിക്കും.
പക്ഷിപ്പനി പകരുന്നത് തടയുവാന്‍ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കിയിട്ടുണ്ടെന്ന് നഷ്ടം സംഭവിച്ച കര്‍ഷകരുടെ പ്രശ്‌നങ്ങള്‍ അനുഭാവപൂര്‍വ്വം പരിഗണിക്കുമെന്നും മന്ത്രി അറിയിച്ചു.