പൂക്കോട്ടുംപാടം: അമരമ്പലം പഞ്ചായത്തില്‍ സാംസ്‌കാരിക നിലയം സ്ഥാപിക്കണമെന്ന് നന്മ അമരമ്പലം യൂനിറ്റ് സമ്മേളനം ആവശ്യപ്പെട്ടു. പഞ്ചായത്ത് പ്രസിഡന്റ് സി.സുജാത ഉദ്ഘാടനം ചെയ്തു. യൂനിറ്റ് പ്രസിഡന്റ് അനീഷ് കവളമുക്കട്ട അധ്യക്ഷനായി. മാപ്പിള കലാ അക്കാദമി വൈസ് പ്രസിഡന്റ് പുലിക്കോട്ടില്‍ ഹൈദരലി മുഖ്യാതിഥിയായി. എന്‍.ശിവന്‍ അനുശോചന പ്രമേയം അവതരിപ്പിച്ചു.നന്മ സംസ്ഥാന സെക്രട്ടറി മാധവന്‍ കുന്നത്തറ മുഖ്യ പ്രഭാഷണം നടത്തി. ബി.എ സംഗീതത്തില്‍ ഒന്നാം റാങ്ക് നേടിയ ഹര്‍ഷ എസ് പണിക്കരെയും നൃത്തത്തില്‍ മികച്ച വിജയം നേടിയ എന്‍.മോജിഷയെയും പുരസ്‌കാരം നല്‍കി അനുമോദിച്ചു. നൃത്ത നൃത്യങ്ങള്‍,ഗാനമേള,നാടകം എന്നിവ അരങ്ങേറി.വൈകീട്ട് നടന്ന സാംസ്‌കാരിക ഘോഷയാത്രയില്‍ ഹംസ മലയില്‍, മുഹമ്മദ് മംഗലശ്ശേരി, ഉമേഷ് നിലമ്പൂര്‍, ശോഭ തിരുവാലി തുടങ്ങിയവര്‍ നേതൃത്വം നല്‍കി