കോതമംഗലം: ഉപജില്ലാ കായിക മേള കോതമംഗലം മാര്‍ ബേസില്‍ ഹയര്‍ സെക്കന്‍ഡറി സ്‌കൂളില്‍ ആരംഭിച്ചു. ബസേലിയോസ് തോമസ് പ്രഥമന്‍ കാതോലിക്ക ബാവ മേള ഉദ്ഘാടനം ചെയ്തു.നഗരസഭ ചെയര്‍പേഴ്‌സണ്‍ മഞ്ജു സിജു അധ്യക്ഷത വഹിച്ചു. സ്‌കൂള്‍ മനേജര്‍ അഡ്വ.സി.ഐ ബേബി പതാക ഉയര്‍ത്തി.
മാര്‍ ബേസില്‍ സകൂള്‍ വിദ്യാര്‍ഥികളായിരുന്ന ഒളിപ്യന്മാരായ അനില്‍ഡ തോമസ്, മുഹമ്മദ് അനസ് എന്നിവരെ ആദരിച്ചു.ഒളിപ്യന്മാരും ദേശീയ താരങ്ങളായ ഓംകാര്‍നാഥും വിപിന്‍ ജോര്‍ജും ചേര്‍ന്ന് ദീപം തെളിയിച്ചു.അന്തര്‍ ദേശീയ താരം അനുമോള്‍ തമ്പി പ്രതിഞ്ജ ചൊല്ലി കൊടുത്തു.
ചെറിയപള്ളി വികാരി ഫാ.ബിജു കൊരട്ടിയില്‍, നഗരസഭ കൗണ്‍സിലര്‍ കെ.എ.നൗഷാദ്, എ.ഇ.ഒ പി.എന്‍.അനിത, ജാന്‍സി മാത്യു, കെ.വി.തോമസ്, പ്രഫ.പി.ഐ ബാബു, ഷിബി മാത്യൂ,രാജു പോള്‍, ജിമ്മി ജോസഫ്, ജിജി ജോര്‍ജ്, ജോര്‍ജ് മാത്യു, എന്‍.ഡി ഗീവര്‍ഗീസ്, ജിജി സി. പോള്‍ എന്നിവര്‍ സംസാരിച്ചു. ഉപജില്ലയിലെ 103 സ്‌കൂളുകളില്‍ നിന്നായി ആയിരത്തോളം കായിക താരങ്ങള്‍ പങ്കെടുക്കുന്ന മേള തിങ്കളാഴ്ച സമാപിക്കും.