രാജാക്കാട്: കേരളാ കര്‍ഷക സംഘം ഇടുക്കി ജില്ലാ സമ്മേളനത്തിന് രാജക്കാട് തുടക്കമായി.
കര്‍ഷക സംഘം ജില്ലാ പ്രസിഡന്റ് സി വി വര്‍ഗ്ഗിസ് പതാകഉയര്‍ത്തി. തുടര്‍ന്ന് നടന്ന പ്രതിനിധി സമ്മേളം കര്‍ഷക സംഘം സംസ്ഥാന പ്രസിഡന്റ് എം. എം. മണി എം എല്‍ എ ഉദ്ഘാടനം ചെയ്യ്തു . 14 ഏരിയ കമ്മറ്റികളില്‍ നിന്നുമായി നാനൂറോളം പ്രധിനിധികള്‍ സമ്മേളനത്തില്‍ പങ്കെടുത്തു. പ്രതിനിധിസമ്മേളനത്തിന്റെ ഭാഗമായി പുഷ്പാര്‍ച്ചന, പ്രമേയഅവതരണം എന്നിവ നടന്നു.
കര്‍ഷക സംഘം സംസ്ഥാന ജോ. സെക്രട്ടറി ജോര്‍ജ് മാത്യു, ജില്ലാ സെക്രട്ടറി എന്‍ വി ബേബി,ട്രഷറര്‍ എന്‍ ശിവരാജന്‍, ജി വേണുഗോപാല്‍,പി പി ചന്ദ്രന്‍, സ്വാഗത സംഘം ചെയര്‍മാന്‍ എം എന്‍ ഹരിക്കുട്ടന്‍, സെക്രട്ടറി വി എ കുഞ്ഞുമോന്‍ തുടങ്ങിയവര്‍ നേതൃത്വം നല്‍കി. ഇന്ന് വൈകിട്ട് മൂന്ന് മണിക്ക് പ്രകടനവും പൊതുസമ്മേളനവും നടക്കും. പൊതുസമ്മേളനം ഗവ. ചിഫ് വിപ്പ് എം.എം മണി എം.എല്‍ .എ ഉദ്ഘാടനം ചെയ്യും.