കൊല്ലങ്കോട്: എ.ടി.എം തട്ടിപ്പില്‍ കൊല്ലങ്കോട് എലവഞ്ചേരി സ്വദേശി പ്രദീഷിന്റെ ഭാര്യ സൗമ്യയുടെ 5000 രൂപ ഇന്നലെ നഷ്ടപ്പെട്ടതായി കൊല്ലങ്കോട് പൊലിസില്‍ പരാതി നല്‍കി. ഇന്നലെ ഉച്ചക്ക് രണ്ടേ അമ്പതോടെ സൗമ്യയുടെ ഫോണിലേക്ക് ഒരു വിളി വന്നു.
നിങ്ങളുടെ എ.ടി.എം കാര്‍ഡ് ബ്ലോക്ക് ചെയ്യുകയാണെന്നും എ.ടി.എം കാര്‍ഡിലെ നമ്പര്‍ ആവശ്യപ്പെട്ടതിന്റെ അടിസ്ഥാനത്തില്‍ എ.ടി.എം കാര്‍ഡിന്റെ 16 അക്ക നമ്പര്‍ സൗമ്യ പറഞ്ഞതായും അര മണിക്കൂറിനുള്ളില്‍ അക്കൗണ്ടില്‍ നിന്നും 5000 രൂപ പിന്‍വലിച്ചതായുള്ള സന്ദേശം മൊബൈല്‍ ഫോണില്‍ വന്നതെന്നും പറയുന്നു. കരിങ്കുളത്തുള്ള കാനറ ബാങ്ക് ബ്രാഞ്ച് മാനേജരെ അറിയിച്ചു.
മാനേജറോട് പറഞ്ഞപ്പോള്‍ ബാങ്കില്‍ നിന്നു വിളിച്ചിട്ടില്ലന്ന് മാനേജര്‍ അറിയിച്ചതോടെയാണ് തട്ടിപ്പിനിരയായ വിവരം അറിയുന്നത്. സൗമ്യയുടെ ഫോണില്‍ വന്ന നമ്പര്‍ പ്രകാരം മാനേജര്‍ വിളിച്ചപ്പോള്‍ മാനേജറുടെ എ.ടി.എം നമ്പറും ആവശ്യപ്പെട്ടുആദ്യം മലയാളത്തിലും പിന്നെ തമിഴ് ഹിന്ദി ഭാഷകളിലായാണ് തട്ടിപ്പ് നടത്തിയ ആളുടെ ഫോണിലേക്ക് വിളിക്കുമ്പോള്‍ കേള്‍ക്കുന്നത്.
അന്വേഷണത്തില്‍ ബീഹാര്‍ സംസ്ഥാനവുമായി ബന്ധമുള്ളതായി സംശയിക്കുന്നതായി പറയുന്നു.