താഴ്ച്ചയിലേക്ക് മറിഞ്ഞുഏറ്റുമാനൂര്‍:  പട്ടിത്താനത്ത് നിയന്ത്രണം വിട്ട ലോറി എം.സി റോഡില്‍ നിന്നും ഇരുപതടിയോളം താഴ്ചയിലുള്ള പുരയിടത്തിലേയ്ക്ക് കൂപ്പു കുത്തി.
റോഡില്‍ നിന്നും താഴവനായില്‍ ഫിലിപ്പിന്റെ വീടിന്റെ നേരെ എത്തിയ ലോറി റബര്‍മരങ്ങളില്‍ തട്ടിനിന്നതുമൂലം വന്‍ദുരന്തം ഒഴിവായി. ഇന്നലെ ഉച്ചയ്ക്ക് 1.30 നായിരുന്നു അപകടം. ഡ്രൈവര്‍ മോനിപ്പള്ളി സ്വദേശി സുദേവ് പരുക്കുകളില്ലാതെ രക്ഷപെട്ടു.  കോട്ടയത്ത് നിന്നും മോനിപ്പള്ളിയിലേയ്ക്ക് പോയ മലബാര്‍ സ്റ്റീല്‍സിന്റെ ലോറിയാണ്അപകടത്തില്‍ പെട്ടത്. പട്ടിത്താനം വളവ് തിരിയവെ സ്റ്റിയറിങ് തിരിയാതെ വന്നതാണ് അപകടകാരണമെന്ന് ഡ്രൈവര്‍ പറയുന്നു.