തിരൂര്‍: സമൂഹത്തില്‍ ലഹരിയുണ്ടാക്കുന്ന പ്രത്യാഘാതങ്ങള്‍ വിദ്യാര്‍ഥികള്‍ തിരിച്ചറിയണമെന്നു സ്പീക്കര്‍ പി. ശ്രീരാമകൃഷ്ണന്‍. ഉണ്യാല്‍ സിറ്റി പ്ലാസ ഓഡിറ്റോറിയത്തില്‍ വെട്ടം സേവ് ചാരിറ്റബിള്‍ ട്രസ്റ്റ് ഹയര്‍സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിച്ച ലഹരിവിരുദ്ധ ബോധവല്‍ക്കരണ ക്ലാസ് ഉദ്ഘാടനം ചെയ്യുകയായിരുന്നു അദ്ദേഹം.
നിറമരുതൂര്‍ പഞ്ചായത്ത് പ്രസിഡന്റ് സുഹറ റസാക്ക് അധ്യക്ഷനായി. സി.എം മുഹമ്മദ്, ജമാല്‍ ചേന്നര, ഡോ. ഹൈദര്‍ അലി കള്ളിയത്ത്, പി.എം ഇക്ബാല്‍ സംസാരിച്ചു. ബ്രഹ്മനായകം മഹാദേവന്‍, കെ.ആര്‍.ബിനു, ഡോ. ഹൈദര്‍ അലി കള്ളിയത്ത് എന്നിവര്‍ ക്ലാസുകള്‍ക്ക് നേതൃത്വം നല്‍കി. പോസ്റ്റര്‍ പ്രദര്‍ശന മത്സര വിജയികള്‍ക്ക് സി.എം മുഹമ്മദ്, ഡോ. മിനി ഹൈദര്‍ അലി, പി.എം ഇക്ബാല്‍ എന്നിവര്‍ സമ്മാനങ്ങള്‍ വിതരണം ചെയ്തു.