ചങ്ങരംകുളം: പാവിട്ടപ്പുറം സെന്ററില്‍ അസ്സബാഹ് റെസിഡന്‍ഷ്യല്‍ ഗേള്‍സ് ഹയര്‍ സെക്കന്‍ഡറി സ്‌കൂളിനു മുന്നിലാണ് അജ്ഞാതര്‍ കക്കൂസ് മാലിന്യം തള്ളിയത്. പുലര്‍ച്ചെ ആളുകള്‍ ഇല്ലാത്ത സമയത്താണ് ഇത്തരത്തില്‍ വന്‍ തോതില്‍ മാലിന്യം ഓടയില്‍ തള്ളിയത്.
എന്നാല്‍ ഓടയിലെ ഒഴുക്കു തടസപ്പെട്ടതിനെത്തുടര്‍ന്നു മാലിന്യം കെട്ടിക്കിടന്ന് ദുര്‍ഗന്ധം ഉണ്ടായപ്പോഴാണു നാട്ടുകാര്‍ മാലിന്യത്തിന്റെ ഉറവിടം തേടിയത്. തുടര്‍ന്ന് സെന്ററില്‍ നിന്നും കുറച്ചകലെ സ്‌കൂളിന് സമീപം അഴുക്കു ചാല്‍ മൂടാത്ത ഇടത്തു നിന്നാണു മാലിന്യം തള്ളിയിരിക്കുന്നതെന്ന് ബോധ്യപ്പെട്ടു. വീടുകളിലെ ഇത്തര മാലിന്യങ്ങള്‍ നീക്കം ചെയ്യുന്നവരോ, ഹോസ്പിറ്റല്‍ മാലിന്യങ്ങള്‍ നീക്കം ചെയ്യുന്ന സ്വകാര്യ കമ്പനികളോ ആണ് ഇത് ചെയ്തതെന്നു നാട്ടുകാര്‍ ആരോപിച്ചു. വാഹനപകടങ്ങളുടെ പശ്ചാത്തലത്തില്‍ പാവിട്ടപ്പുറം സെന്ററില്‍ സി.സി.ടി.വി സ്ഥാപിക്കണമെന്നു നേരത്തെ പൊലിസും നാട്ടുകാരും തീരുമാനിച്ചിരുന്നെങ്കിലും നടപ്പിലായില്ല.