തൃക്കരിപ്പൂര്‍: ചെറുവത്തൂര്‍ ബി.ആര്‍.സിയുടെ നേതൃത്വത്തില്‍ തൃക്കരിപ്പൂര്‍ സെന്റ്‌പോള്‍സ് എ.യു.പി സ്‌കൂളില്‍ നടന്ന യു.പി വിഭാഗം സാമൂഹ്യശാസ്ത്രം ക്ലസ്റ്റര്‍ ഗാന്ധി പുസ്തക പ്രദര്‍ശനവും വില്‍പനയുമായി വേറിട്ടു നിന്നു. മലയിന്‍കീഴ് ഗോപാലകൃഷ്ണന്റെ ഹേ റാം, സി അഷ്‌റഫിന്റെ ഭാരത പ്രദര്‍ശനശാല, ജോണ്‍ബ്രൈലിയുടെ ഗാന്ധി തുടങ്ങി നിരവധി പുസ്തകങ്ങളെ പരിചയപ്പെടാനും ഇതിലൂടെ അവസരമൊരുങ്ങി.
ഗാന്ധി വിവിധ വിഷയങ്ങളിലെഴുതിയ പുസ്തകങ്ങളും അദ്ദേഹത്തിന്റെ ജീവിതത്തെ ആസ്പദമാക്കി രചിച്ച അന്‍പതോളം പുസ്തകങ്ങളും പ്രദര്‍ശനത്തിലെത്തി.
എസ്.എസ്.എ ജില്ലാ പ്രോഗ്രാം ഓഫിസര്‍ പി.പി വേണുഗോപാലന്‍ ഉദ്ഘാടനം ചെയ്തു.