ഉപ്പള:കൈക്കൂലി വാങ്ങുന്നതിനിടെ വില്ലേജ് ഓഫിസറെ വിജിലന്‍സ് അറസ്റ്റു ചെയ്തു. ബായാര്‍ വില്ലേജ് ഓഫിസര്‍ മാവേലിക്കര കുറത്തിക്കാട് തെക്കേക്കരയിലെ ആര്‍. സുധാകരനെ(51)യാണ് സി.ഐ ബാലകൃഷ്ണന്‍ നായരുടെ നേതൃത്വത്തിലുള്ള സംഘം അറസ്റ്റു ചെയ്തത്.
സ്ഥലത്തിന്റെ സ്‌കെച്ചിന് അപേക്ഷ നല്‍കിയ സ്ത്രീയില്‍ നിന്നും ഇയാള്‍ 1000 രൂപ കൈക്കൂലി ആവശ്യപ്പെട്ടിരുന്നു. ഉടനെ ഇവര്‍ വിവരം വിജിലന്‍സിനെ അറിയിച്ചു. വിജിലന്‍സ് ഇവരുടെ കൈയില്‍ കൊടുത്തയച്ച നോട്ടു വാങ്ങിയ ഇദ്ദേഹത്തെ പിടികൂടുകയായിരുന്നു. കണ്ണൂരിലെ വിജലന്‍സ് കോടതിയില്‍ ഹാജരാക്കും.