വഴിക്കടവ്: ക്വാളിസ് വാനില്‍ കടത്തുകയായിരുന്ന നിരോധിത കീടനാശിനി എക്‌സൈസ് ചെക്ക് പോസ്റ്റില്‍ പിടികൂടി. കാര്‍ബോ ഫ്യൂറാന്‍ എന്ന പേരിലുള്ള 30 കിലോഗ്രാം വരുന്ന കീടനാശിനിയാണ് പിടികൂടിയത്. 2011 ല്‍ സര്‍ക്കാര്‍ നിരോധിച്ച കീടനാശിനിയില്‍പ്പെട്ടവയാണ് ഇത്. കഴിഞ്ഞ ദിവസം വൈകിട്ട് നടന്ന വാഹന പരിശോധനക്കിടെയാണ് കീടനാശിനികള്‍ പിടികൂടിയത്. എക്‌സൈസ് ഇന്‍സ്‌പെക്ടര്‍ കെ.ടി സജിമോന്‍, അസി.ഇന്‍സ്‌പെക്ടര്‍ ജയപ്രകാശ്, സിവില്‍ ഓഫീസര്‍മാരായ ബാലു, സുരേഷ് ബാബു, യൂസഫലി എന്നിവരുടെ നേതൃത്വത്തിലുള്ള സംഘമാണ് പിടികൂടിയത്. വാഹനവും തൊണ്ടിയും പൊലിസിന് കൈമാറി.