വെള്ളറട: ഫുട്‌ബോള്‍ കളിക്കിടെ പരുക്കേറ്റതാണ് കാരണമെന്ന് പൊലിസ് ആദ്യം കരുതിയ വിദ്യാര്‍ഥിയുടെ മരണം കൊലപാതകമാണെന്നു സംശയം.
ആര്യന്‍കോട് പൊലിസ് പരിധിയില്‍ മൈലച്ചല്‍ അക്ഷയ് ഭവനില്‍ അക്ഷയു (13) ടെ മരണമാണ് കൊലപാതകമെന്നു തെളിയുന്നത്. പാങ്ങോട് കേന്ദ്രീയ വിദ്യാലയത്തില്‍ ഫുട്‌ബോള്‍ പരിശീലനത്തിനിടെ പരിുക്കേറ്റ് വെള്ളറട സര്‍ക്കാര്‍ ആശുപത്രിയിലും തുടര്‍ന്ന് തിരുപുറം വൈദ്യശാലയിയും ചികിത്സയ്ക്കിടെ മരണപ്പെട്ടുവെന്നായിരുന്നു ആദ്യവാര്‍ത്ത. അന്ന് പോസ്റ്റുമോര്‍ട്ടം നടത്താതെ തിടുക്കത്തില്‍ മൃതദേഹം മറവുചെയ്യാന്‍ പിതാവ് വല്‍സലന്‍ ശ്രമിച്ചത് സംശയത്തിന് ഇടനല്‍കിയിരുന്നു. മാതാവ് വല്‍സലയെ ചോദ്യം ചെയ്തതിലും പരസ്പരവിരുദ്ധമായായിരുന്നു മൊഴി നല്‍കിയത്. അറസ്റ്റ് ഒഴിവാക്കാന്‍ പിതാവ് കോടതിയെ സമീപിച്ചതായിട്ടാണ് പൊലിസ് നിഗമനം.