കൊടുങ്ങല്ലൂര്‍: കാര്‍ അടക്കമുള്ള വീട്ട് സാധനങ്ങള്‍ വില്‍പ്പന നടത്തിയ പണം ലഭിച്ചില്ലെന്നാരോപിച്ച് പ്രവാസി നല്‍കിയ ഇ മെയില്‍ പരാതിയില്‍ ഒരാള്‍ അറസ്റ്റില്‍. മതിലകം സ്വദേശി ഫൈസല്‍ (35) നെയാണ് കൊടുങ്ങല്ലൂര്‍ എസ്.ഐ മനോജ് ഗോപിയും സംഘവും ചേര്‍ന്ന് അറസ്റ്റ് ചെയ്തത്. പുല്ലൂറ്റ് കെ.കെ.ടി.എം കോളജിന് സമീപം താമസിക്കുന്ന ചിറവട്ടായില്‍ രഞ്ജിത്ത് ശങ്കര്‍ നല്‍കിയ പരാതിയിലാണ് അറസ്റ്റ്. കുടുംബസമേതം ഗള്‍ഫിലായ ഇയാള്‍ കാര്‍ അടക്കമുള്ള മറ്റ് വീട്ട് സാധനങ്ങള്‍ വില്‍പ്പന നടത്തുവാന്‍ സുഹൃത്ത് കൂടിയായ ഫൈസലിനെ ഏല്‍പ്പിക്കുകയായിരുന്നു. എന്നാല്‍ സാധനങ്ങള്‍ വില്‍പ്പന നടത്തി ലഭിച്ച 59 ലക്ഷത്തോളം രൂപ മാസങ്ങള്‍ കഴിഞ്ഞിട്ടും ഇയാള്‍ നല്‍കുന്നില്ലെന്നാരോപിച്ചാണ് പ്രവാസിയുടെ ഇ മെയില്‍ പരാതി.