ബെംഗളൂരു: പ്രമുഖ ഓണ്‍ലൈന്‍ വ്യാപാര കമ്പനിയായ ഇ- ബേയുടെ ബെംഗളൂരു സെന്ററില്‍ നിന്ന് 100 ജോലിക്കാരെ ഒഴിവാക്കി. ലോകത്തിന്റെ മറ്റു ഭാഗങ്ങളിലെ സെന്ററുകളിലേക്ക് ജോലികള്‍ മാറ്റുന്നതിന്റെ ഭാഗമായാണ് കൂട്ട പിരിച്ചുവിടലെന്നാണ് വിശദീകരണം.

ബെംഗളൂരുവിലെ എല്ലാ ടെക്‌നോളജി തൊഴിലുകളും ലോകത്തിന്റെ മറ്റു ഭാഗങ്ങളിലേക്ക് നീക്കുകയാണെന്ന് കമ്പനി വക്താവ് അറിയിച്ചു. ഉല്‍പന്ന, വികസന വിഭാഗങ്ങള്‍ മാത്രമായിരിക്കും ഇവിടെ പ്രവര്‍ത്തിക്കുകയെന്നും അദ്ദേഹം പറഞ്ഞു.

എന്നാല്‍ എത്ര പേരെയാണ് പിരിച്ചുവിട്ടതെന്ന് കമ്പനി വെളിപ്പെടുത്തിയിട്ടില്ല. നൂറു പേരെയാണ് പിരിച്ചുവിട്ടതെന്നാണ് തൊഴിലാളികള്‍ക്കിടയില്‍ നിന്നുള്ള വിവരം. ഇവിടെ 300 പേരാണ് ജോലി ചെയ്യുന്നത്.