തൊടുപുഴ: കാലത്തിനു മുന്‍പേ നടന്ന കര്‍മ്മയോഗിയായിരുന്നു എം.വി രാഘവനെന്ന് യു.ഡി.എഫ് ജില്ലാ ചെയര്‍മാന്‍ അഡ്വ. എസ് അശോകന്‍ പറഞ്ഞു. ശ്രീനാരായണ ഗുരുവടക്കം കേരളത്തിലെ നവോത്ഥാന നേതാക്കള്‍ക്കൊപ്പം കമ്മ്യൂണിസ്റ്റ് പ്രസ്ഥാനത്തെ പിടിച്ചു നിര്‍ത്തുന്നതില്‍ എം.വി ആറിന്റെ പങ്ക് നിസ്തുലമാണ്. സി.എം.പി ജില്ലാ കമ്മിറ്റി സംഘടിപ്പിച്ച എം.വി.ആര്‍ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സി.എം.പി ജില്ലാ സെക്രട്ടറി കെ സുരേഷ് ബാബു അധ്യക്ഷത വഹിച്ചു. മുസ്‌ലിം ലീഗ് ജില്ലാ പ്രസിഡന്റ് കെ.എം.എ ഷുക്കൂര്‍, കണ്‍സ്യൂമര്‍ ഫെഡ് മുന്‍ ചെയര്‍മാന്‍ അഡ്വ. ജോയി തോമസ്, കെ.എ കുര്യന്‍, വി.പി വിജയകുമാര്‍ എന്നിവര്‍ സംസാരിച്ചു.