കോഴിക്കോട്: മുസ്‌ലിം യൂത്ത്‌ലീഗ് സംസ്ഥാന സമ്മേളനത്തിനു കൊടി ഉയര്‍ന്നു. ഇന്നും നാളെയുമായി പ്രതിനിധി സമ്മേളനം, സെമിനാര്‍ എന്നിവ നടക്കും. ഞായറാഴ്ച കടപ്പുറത്തു നടക്കുന്ന പൊതുസമ്മേളനത്തില്‍ യുവ ലക്ഷങ്ങള്‍ അണിനിരക്കുമെന്നു സംഘാടകര്‍ അറിയിച്ചു.
ഇന്നലെ വൈകുന്നേരം മൂന്നിനു ടാഗോര്‍ സെന്റിനറി ഹാള്‍ അങ്കണത്തില്‍ മുസ്‌ലിം യൂത്ത്‌ലീഗ് സംസ്ഥാന പ്രസിഡന്റ് പി.എം സാദിഖലിയാണു പതാക ഉയര്‍ത്തിയത്. മുസ്‌ലിം ലീഗ് സംസ്ഥാന ട്രഷറര്‍ പി.കെ.കെ ബാവ, സംസ്ഥാന ജോയിന്റ് സെക്രട്ടറി അഡ്വ.യു.എ ലത്തീഫ്, ജില്ലാ പ്രസിഡന്റ് ഉമ്മര്‍ പാണ്ടികശാല, ജനറല്‍ സെക്രട്ടറി എന്‍.സി അബൂബക്കര്‍, മുസ്‌ലിം യൂത്ത്‌ലീഗ് സംസ്ഥാന ജനറല്‍ സെക്രട്ടറി സി.കെ സുബൈര്‍, ട്രഷറര്‍ കെ.എം അബ്ദുല്‍ഗഫൂര്‍, സംസ്ഥാന വൈസ് പ്രസിഡന്റുമാരായ സി.പി.എ അസീസ്, കെ.ടി താഹിര്‍, പി.എ അഹമ്മദ് കബീര്‍, സെക്രട്ടറിമാരായ കെ.ടി അബ്ദുറഹ്മാന്‍, പി.കെ ഫിറോസ്, എം.എ സമദ്, അഷ്‌റഫ് മടാന്‍, എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, എം.എ റസാഖ് മാസ്റ്റര്‍, അബ്ദുറഹ്മാന്‍ രണ്ടത്താണി, സി.കെ.വി യൂസുഫ്, നജീബ് കാന്തപുരം, ടി.പി അഷ്‌റഫലി, സാജിദ് നടുവണ്ണൂര്‍, മുജീബ് കാടേരി, പി.ഇസ്മായില്‍, ആശിഖ് ചെലവൂര്‍ തുടങ്ങിയവര്‍ സംബന്ധിച്ചു.
പ്രതിനിധി സമ്മേളനം ടാഗോര്‍ ഹാളില്‍ ഇന്നു രാവിലെ 10നു മുസ്‌ലിം ലീഗ് ദേശീയ പ്രസിഡന്റ് ഇ.അഹമ്മദ് ഉദ്ഘാടനം ചെയ്യും. ദേശീയ ട്രഷറര്‍ പി.കെ കുഞ്ഞാലിക്കുട്ടി മുഖ്യപ്രഭാഷണം നിര്‍വഹിക്കും.
'കാലം: 2012 2016' പാണക്കാട് സയ്യിദ് സാദിഖലി ശിഹാബ് തങ്ങള്‍ പ്രകാശനം ചെയ്യും. കെ.പി.എ. മജീദ്, പി.കെ.കെ ബാവ, ഡോ. എം.കെ മുനീര്‍, പി.വി. അബ്ദുള്‍ വഹാബ് എം.പി, കെ.എം ഷാജി, അബൂബക്കര്‍ എം.എല്‍.എ തമിഴ്‌നാട്, എം.സി മായിന്‍ഹാജി, അഡ്വ. എന്‍. ഷംസുദ്ദീന്‍ എം.എല്‍.എ, ഉമ്മര്‍ പാണ്ടികശാല, അഡ്വ. നൂര്‍ബീന റഷീദ്, മിസ്ഹബ് കീഴരിയൂര്‍ സംസാരിക്കും.