കാഞ്ഞിരപ്പുഴ: തൃപ്പനച്ചി ഉസ്താദിന്റെ അഞ്ചാംഉറൂസും മാസാന്ത മജ്‌ലിസുന്നൂറും സമാപിച്ചു. കാഞ്ഞിരപ്പുഴ പള്ളിപ്പടിയില്‍ നടന്ന ഉറൂസ് കേരള ഖിസ്സപ്പാട്ട് സംഘം സംസ്ഥാന ട്രഷറര്‍ കെ.എസ്. മൗലവി ഉദ്ഘാടനം ചെയ്തു. ഹാജി സി.കെ സിദ്ധിഖ് മുസ്‌ലിയാര്‍ അധ്യക്ഷനായി. സുലൈമാന്‍ ഫൈസി മുണ്ടക്കരാട്, തൃപ്പനച്ചി ഉസ്താദ് അനുസ്മരണ പ്രഭാഷണം നടത്തി. തുടര്‍ന്ന് നടന്ന സമ്മേളനത്തില്‍ അരിപ്പനഴി മഹല്ല് ഖാസി കെ.ടി സക്കീര്‍ ഹുസൈന്‍ ദാരിമി അല്‍ ഹൈതമി നേതൃത്വം നല്‍കി.
ഖാദര്‍ ഫൈസി, നിസാര്‍ ഫൈസി, കെ.വി.എസ് കാഞ്ഞിരപ്പുഴ, ഉസ്മാന്‍ അന്‍വരി കാഞ്ഞിരപ്പുഴ, മുഹമ്മദലി മുസ്‌ലിയാര്‍, സി.പി ഹംസ, ശിഹാബ് നെല്ലായ സംബന്ധിച്ചു. സി.കെ ലത്തീഫ് മൗലവി സ്വാഗതവും ഗഫൂര്‍ മൗലവി നന്ദിയും പറഞ്ഞു.