ദേവാല: റോഡില്‍ പുള്ളിപ്പുലിയെ കണ്ട് ഭയന്ന ഡ്രൈവറുടെ നിയന്ത്രണം വിട്ടതോടെ കാര്‍ മതിലിലിടിച്ച് തകര്‍ന്നു. ദേവാല പന്തല്ലൂര്‍ റോഡില്‍ നീര്‍മണ്ഡത്താണ് സംഭവം.
ദേവാലയില നിന്നും പന്തല്ലൂരിലേക്ക് പോകുകയായിരുന്നു കാര്‍. നീര്‍മണ്ഡത്തെത്തിയപ്പോള്‍ പുള്ളിപ്പുലി റോഡ് ക്രോസ് ചെയ്യുന്നത് ഡ്രൈവറുടെ ശ്രദ്ധയില്‍പ്പെട്ടു. എന്നാല്‍ പെട്ടെന്നുണ്ടായ ഭയത്തില്‍ കാര്‍ നിയന്ത്രണം വിടുകയും സമീപത്തെ സംരക്ഷണഭിത്തിയില്‍ ഇടിച്ച് തകരുകയുമായിരുന്നു. കാറിന്റെ മുന്‍ചക്രം ഊരിത്തെറിച്ചു. മുന്‍ഭാഗം പൂര്‍ണമായും തകരുകയും ചെയ്തു. എന്നാല്‍ ഡ്രൈവര്‍ പരുക്കേല്‍ക്കാതെ രക്ഷപ്പെട്ടു.