ഹൊബാര്‍ട്ട്: ദക്ഷിണാഫ്രിക്കയ്ക്കതെിരായ രണ്ടാം ക്രിക്കറ്റ് ടെസ്റ്റില്‍ ആസ്‌ത്രേലിയ 85ന് പുറത്ത്. അഞ്ചു വിക്കറ്റെടുത്ത വെര്‍നന്‍ ഫിലാന്‍ഡറാണ് കങ്കാരുക്കളെ തകര്‍ത്തത്. മറുപടി ബാറ്റിങില്‍ ആദ്യം ദിനം കളിയവസാനിക്കുമ്പോള്‍ അഞ്ചു വിക്കറ്റ് നഷ്ടത്തില്‍ 171 റണ്‍സെടുത്തിട്ടുണ്ട് ദക്ഷിണാഫ്രിക്ക. അഞ്ചു വിക്കറ്റ് ശേഷിക്കെ 86 റണ്‍സിന്റെ ലീഡുണ്ട് ദക്ഷിണാഫ്രിക്കയ്ക്ക്.
ടെംപ ബാവുമ(38*) ക്വിന്റണ്‍ ഡി കോക്ക്(28*) എന്നിവരാണ് ക്രീസില്‍. സ്റ്റീവന്‍ കുക്ക്(23), ഡീന്‍ എല്‍ഗാര്‍(17), ഹാഷിം  അംല(47), ജെ.പി ഡുമിനി(1) ഫാഫ് ഡുപ്ലെസിസ്(7) എന്നിവരാണ് പുറത്തായവര്‍. ആസ്‌ത്രേലിയക്കായി സ്റ്റാര്‍ക് മൂന്നു വിക്കറ്റെടുത്തു. സ്റ്റീവന്‍ സ്മിത്ത്(48*) മാത്രമാണ് ടീമില്‍ പിടിച്ച് നിന്നത്.