ന്യൂഡല്‍ഹി: ഡല്‍ഹി മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഷീല ദീക്ഷിതിന്റെ മരുമകന്‍ സയിദ് മുഹമ്മദ് ഇമ്രാനെ പൊലിസ് അറസ്റ്റ് ചെയ്തു. ഗാര്‍ഹിക പീഡന കുറ്റത്തിനാണ് അറസ്റ്റ് ചെയ്തിരിക്കുന്നത്.

കുറച്ച് ദിവസങ്ങള്‍ക്ക് മുന്‍പ് ബരഖംബ പോലീസ് സ്റ്റേഷനില്‍ ലതിക നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്. ബംഗളുരുവില്‍ നിന്നാണ് ഡല്‍ഹി പൊലിസ് ഇമ്രാനെ കസ്റ്റഡിയിലെടുത്തത്.

ഇമ്രാനും, ഷീല ദീക്ഷിതിന്റെ മകള്‍ ലതികയും പത്തു മാസത്തോളമായി പിരിഞ്ഞു താമസിക്കുകയാണ്.