നടുവണ്ണൂര്‍: നോട്ടുകള്‍ മാറ്റിവാങ്ങാന്‍ നടുവണ്ണൂര്‍ എസ്.ബി.ടിക്ക് മുന്നില്‍ വരിനിന്നവര്‍ തമ്മിലുണ്ടായ വാക്കേറ്റം സംഘര്‍ഷത്തിലേക്ക് നീങ്ങി. രാവിലെ 11ഓടെയാണ് സംഭവം. കഴിഞ്ഞദിവസം ടോക്കണ്‍ ലഭിച്ചവര്‍ ഇന്നലെ രാവിലെ എട്ടോടെയെത്തി വരിനിന്നിരുന്നു. ഇവര്‍ക്ക് അവസരം നല്‍കിയ ശേഷമേ പുതിയ ആളുകള്‍ക്ക് ടോക്കണ്‍ നല്‍കൂവെന്ന ബാങ്ക് അധികൃതരുടെ നിലപാടാണ് ഇന്നലെയെത്തിയവരെ ക്ഷുഭിതരാക്കിയത്.
ബാലുശ്ശേരി പൊലിസെത്തി രംഗം ശാന്തമാക്കിയതോടെ സംഘര്‍ഷാവസ്ഥയ്ക്ക് അയവുവന്നു. അതേസമയം എസ്.ബി.ഐ എ.ടി.എമ്മില്‍ നിക്ഷേപിച്ച മൂന്നുലക്ഷം രൂപ രാത്രി പത്തേടെ തീര്‍ന്നതിനാല്‍ വരിനിന്നവര്‍ നിരാശരായി മടങ്ങേണ്ടിവന്നു.