കൊച്ചി: ബ്രോഡ് വേയില്‍ വ്യാപാരസ്ഥാപനത്തിന് തീപ്പിടിച്ചു. ബ്രോഡ് വേയ്ക്കു സമീപമുള്ള ഗെയിം സോണ്‍ എന്ന കടയ്ക്കാണ് തീപ്പിടിച്ചത്. പുലര്‍ച്ചെ 5.30 ഓടെയാണ് സംഭവം. കുട്ടികള്‍ക്കുള്ള കളിപ്പാട്ടങ്ങള്‍, വസ്ത്രങ്ങള്‍ എന്നിവ വില്‍ക്കുന്ന ഷോപ്പാണിത്. തീപ്പിടിത്തത്തില്‍ 35 ലക്ഷം രൂപയുടെ നഷ്ടം കണക്കാക്കുന്നു.ഷോര്‍ട്ട് സര്‍ക്യൂട്ടാണ് തീപ്പിടിത്തത്തിന് കാരണമെന്നാണ് പ്രാഥമിക നിഗമനം.

സംഭവമറിഞ്ഞയുടന്‍ നാലു യൂണിറ്റ് അഗ്നിശമന സേനാംഗങ്ങള്‍ എത്തി തീയണച്ചു. സംഭവത്തെ കുറിച്ച് സെന്‍ട്രല്‍ പൊലിസ് അന്വേഷണം ആരംഭിച്ചു.