സുല്‍ത്താന്‍ ബത്തേരി(വയനാട്): കാട്ടാനയുടെ ആക്രമണത്തില്‍ കര്‍ഷകന് പരുക്കേറ്റു. മുത്തങ്ങ കല്ലൂര്‍ തേക്കുംപറ്റ അയ്യപ്പ(52)നാണ് പരുക്കേറ്റത്. ഇയാളെ ബത്തേരി താലുക്ക് ആശുപത്രിയില്‍ പ്രവേശിപ്പിച്ചു. രാവിലെ എട്ട് മണിയോടെ പശുവിനെ കെട്ടാന്‍ പോയ അയ്യപ്പനെ തട്ടി വീഴ്ത്തി പുറത്ത് ചവിട്ടുകയായിരുന്നു. ഇഞ്ചി ചാലില്‍ വീണതിനാല്‍ മാത്രമാണ് അയ്യപ്പന്‍ രക്ഷപെട്ടത് എന്ന് ദൃക്‌സാക്ഷികള്‍ പറഞ്ഞു. സംഭവത്തില്‍ പ്രതിഷേധിച്ച് കല്ലൂരില്‍ കോഴിക്കോട്-മൈസൂര്‍ ദേശീയപാത ഉപരോധിച്ചു.