കോഴിക്കോട്: കോഴിക്കോട് കുറ്റ്യാടി കൈവേലില്‍ ബി.ജെ.പി പ്രവര്‍ത്തകന്‍ കൊല ചെയ്യപ്പെട്ട സംഭവത്തില്‍ പ്രതിചേര്‍ത്തിരുന്ന 59 സി.പി.എം പ്രവര്‍ത്തകരെയും വെറുതേ വിട്ടു. കേസില്‍ പ്രതികളുടെ പങ്കിനെകുറിച്ച് തെളിവുകള്‍ ഹാജരാക്കാന്‍ പ്രോസിക്യൂഷന് കഴിഞ്ഞില്ല. കോഴിക്കോട് എരഞ്ഞിപ്പാലം പ്രത്യേക കോടതിയാണ് വിധി പ്രസ്താവിച്ചത്.

2013 ഡിസംബര്‍ 16നാണ് കേസിനാസ്പദമായ സംഭവം. ബി.ജെ.പി പ്രവര്‍ത്തകനായ അനൂപാണ് സംഭവദിവസം കൊല്ലപ്പെട്ടത്. സംഭവത്തില്‍ 59 സി.പി.എം പ്രവര്‍ത്തകരെ പൊലിസ് പ്രതി ചേര്‍ത്തു. എന്നാല്‍, തെളിവുകളുടെ അഭാവത്തില്‍ പ്രതികളെ കോടതി വെറുതെ വിടുകയായിരുന്നു.