ആലപ്പുഴ: കഥാകഥനത്തിലും പ്രസംഗത്തിലും ഒന്നാമതെത്തി ഹാറൂണ്‍ കരീമിന്റെ മിന്നുന്ന പ്രകടനം. മലപ്പുറം പള്ളിക്കാപ്പറ്റ കേരള സ്‌കൂള്‍ ഫോര്‍ദി ബ്ലെയ്ഡിലെ ഏഴാംക്ലാസ് വിദ്യാര്‍ഥിയാണ്. മലപ്പുറം മേലാറ്റൂര്‍ എടപ്പറ്റ് തൊഴുകുഴി കുന്നുമ്മേല്‍ അബ്ദുല്‍കരീം-സബീറ ദമ്പതികളുടെ മകനാണ്.
കഴിഞ്ഞ സംസ്ഥാന സ്‌കൂള്‍ കലോത്സവത്തിലും പ്രസംഗത്തില്‍ ഫസ്റ്റും, കഥാകഥനത്തില്‍ സെക്കന്റും ലഭിച്ചിരുന്നു. പ്രസംഗകന്‍ എന്ന നിലയില്‍ അഭിമാനം തോന്നുന്ന നിമിഷങ്ങളാണ് തനിക്കുള്ളത്.
അഞ്ചുമിനിറ്റ് മുമ്പേലഭിക്കുന്ന വിഷയത്തില്‍ ഹൃദയസ്പര്‍ശിയായ വാക്കുകള്‍ കൊണ്ട് പ്രസംഗം അവതരിപ്പിച്ചതിലാണ് അഭിമാനം തോന്നുന്നത്.
ഇതേ സ്‌കൂളിലെ സംഗീതോപകരണത്തിലും ശാസ്ത്രീയ സംഗീതത്തിലും ഒന്നാമതെത്തിയ ഫാത്തിമ അന്‍ഷി പിതാവിന്റെ സഹോദര പുത്രിയാണ്.