ആലപ്പുഴ: സംസ്ഥാന സ്‌പെഷല്‍ സ്‌കൂള്‍ കലോത്സവത്തിന്റെ യു.പി വിഭാഗത്തില്‍ കേരള ഫെഡറേഷന്‍ ഓഫ് ബ്ലൈന്‍സിന്റെ നിയന്ത്രണത്തിലുളള കുട്ടികള്‍ക്ക് ഓവറോള്‍. പാലക്കാട് കോട്ടോപ്പാടം എച്ച്.കെ.സി.എം.എം സ്‌കൂള്‍ ഫോര്‍ ബ്ലൈന്‍സിലെ കുട്ടികളാണ് കലോത്സവത്തില്‍ മികച്ച വിജയം സ്വന്തമാക്കിയത്.
പങ്കെടുത്ത എട്ട് ഇനങ്ങളിലും എഗ്രേഡ് സ്വന്തമാക്കികൊണ്ടാണ് സ്‌കൂള്‍ ഓവറോള്‍ പട്ടം ചൂടിയത്. മോണോആക്ട്, കഥരചന, ലളിതഗാനം എന്നീ ഇനങ്ങളിലാണ് യുപി വിഭാഗത്തില്‍ ഒന്നാം സ്ഥാനം നേടിയത്. ഉപകരണസംഗീതം, മാപ്പിളപ്പാട്ട് എന്നിവക്ക് രണ്ടാംസ്ഥാനവും പദ്യപാരായണത്തില്‍ മൂന്നാംസ്ഥാനവും നേടി. വിവിധ പ്രദേശങ്ങളില്‍ നിന്നുള്ള കുട്ടികള്‍ സ്ഥാപനത്തിലെ ഹോസ്റ്റലില്‍ താമസിച്ചാണ് പഠനം നടത്തുന്നത്.