പെരിന്തല്‍മണ്ണ: ഇരുനൂറു പൊതി കഞ്ചാവുമായി രണ്ടണ്ടു പേര്‍ അറസ്റ്റില്‍. താഴെക്കോട് ഭാഗത്ത് കഞ്ചാവ് വില്‍പന നടത്തുന്നതിനിടെ താഴെക്കോട് മഠത്തില്‍തൊടി സുരേഷ് (43), അങ്ങാടിപ്പറം ചെരക്കാപറമ്പ് ഭാഗത്ത് വാഹനങ്ങളില്‍ കഞ്ചാവ് എത്തിച്ചുകൊടുക്കുന്ന പെരിന്തല്‍മണ്ണ താലൂക്കില്‍ അങ്ങാടിപ്പുറം വില്ലേജിലെ ചെരക്കാപറമ്പ് കല്ലന്‍കുന്നന്‍ ഹാരിസ് (32) എന്നിവരെയാണ് പിടികൂടിയത്.
അസിസ്റ്റന്റ് എക്‌സൈസ് കമ്മിഷണര്‍ ബാലകൃഷ്ണന്‍, ജി. പ്രദീപ് എന്നിവരുടെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. വാഹനപരിശോധനയ്ക്കിടെ എക്‌സൈസ് സംഘത്തെ കണ്ടു വാഹനങ്ങളുമായി രക്ഷപ്പെടാന്‍ ശ്രമിച്ച പ്രതിയെ സാഹസികമായാണ് പിടികൂടിയത്. പ്രിവന്റീവ് ഓഫിസര്‍മാരായ കെ.വി സുഗന്ധകുമാര്‍, വി.ആര്‍ രാജേഷ്‌കുമാര്‍, ഷിബു പി, ബഞ്ചമിന്‍, സായിറാം, ശെരീഫ്, ഡ്രൈവര്‍ ശശീന്ദ്രന്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.