കാവനൂര്‍: കൊണ്ടോട്ടി ഇ.എം.ഇ.എ കോളജ് ഗ്രൗണ്ടില്‍ സമാപിച്ച കിഴിശ്ശേരി ഉപജില്ലാ കായിക മേളയില്‍ ഹൈസ്‌കൂള്‍, ഹയര്‍ സെക്കന്‍ഡറി വിഭാഗത്തില്‍ സി.എച്ച്.എം.എച്ച്.എസ്.എസ് പൂക്കൊളത്തൂരും യു.പി വിഭാഗത്തില്‍ തൃപ്പനച്ചി എ.യു.പി സ്‌കൂളും ജേതാക്കളായി. ഹൈസ്‌കൂള്‍, ഹയര്‍ സെക്കന്‍ഡറി വിഭാഗത്തില്‍ 441 പോയിന്റുമായി സി.എച്ച്.എം എച്ച്.എസ് പൂകൊളത്തൂര്‍ ഒന്നാം സ്ഥാനവും യഥാക്രമം 111, 99 പോയിന്റുകളുമായി ജി.എച്ച്.എസ്.എസ് കുഴിമണ്ണയും, ജി.വി.എച്ച്.എസ്.എസ് ഓമാനൂരും രണ്ടും മൂന്നും സ്ഥാനവും നേടി.
യു.പി വിഭാഗത്തില്‍ 105 പോയിന്റുമായി ത്യപ്പനച്ചി എ.യു.പി സ്‌കൂളിനാണ് ഒന്നാം സ്ഥാനം. 37 പോയിന്റ് നേടിയ എ.യു.പി സ്‌കൂള്‍ തോട്ടെക്കാട് രണ്ടും 32 പോയിന്റ് നേടി വി.പി.എ.യു.പി സ്‌കൂള്‍ വിളയില്‍ പറപ്പൂര്‍ മൂന്നും സ്ഥാനങ്ങള്‍ നേടി.
എല്‍.പി വിഭാഗത്തില്‍ 48 പോയിന്റ് നേടി തോട്ടെക്കാട് എ.യു.പി.എസ് ചാംപ്യന്‍മാരായി. 21 പോയിന്റ് നേടിയ ജി.എല്‍.പി.എസ് കുഴിമണ്ണ സെക്കന്റ് സൗത്തിനാണ് രണ്ടാം സ്ഥാനം. മൂന്നാം സ്ഥാനം 17 പോയിന്റ് നേടിയ സി.ബി.എം.എസ്.എല്‍.പി.എസ് വിളയില്‍ പറപ്പൂരും നേടി. കിഴിശ്ശേരി എ.ഇ.ഒ ടി. രാജേന്ദ്രന്‍ പതാക ഉയര്‍ത്തി. ട്രോഫി വിതരണത്തിന് എച്ച്.എം ഫോറം സെക്രട്ടറി അഷ്‌റഫ് മാസ്റ്റര്‍, ഒ.പി സാദിഖലി മാസ്റ്റര്‍, സലാം മാസ്റ്റര്‍, ഒ.പി.കെ ഗഫൂര്‍, ഷാജഹാന്‍, മുനീര്‍ ബാവ, അഫ്‌സല്‍, അബൂബക്കര്‍ സിദ്ദീഖ് തുടങ്ങിയവര്‍ നേതൃത്വം നല്‍കിട