തൊടുപുഴ: ദീര്‍ഘകാലം മുസ്‌ലിം ലീഗ് ജില്ലാ പ്രസിഡന്റും സംസ്ഥാന സെക്രട്ടറിയേറ്റ് അംഗവുമായിരുന്ന അന്തരിച്ച എം.എം മുഹമ്മദ് കുഞ്ഞ് ലബ്ബാ സാഹിബിന്റെ പേരില്‍ ഏര്‍പ്പെടുത്തിയ അവാര്‍ഡ് പ്രതിപക്ഷ നേതാവ് രമേശ് ചെന്നിത്തല പി.ജെ ജോസഫിന് സമ്മാനിച്ചു.
ജനങ്ങളുടെ വിശ്വാസം ആര്‍ജിക്കാന്‍ കഴിഞ്ഞ ജനഹൃദയങ്ങളില്‍ ജീവിക്കാന്‍ കഴിഞ്ഞ പൊതുപ്രവര്‍ത്തകനായികുന്നു ലബ്ബാ സാഹിബെന്ന് ചെന്നിത്തല പറഞ്ഞു. പൊതുപ്രവര്‍ത്തനം മൂലം ജനങ്ങളുടെ സ്വീകാര്യത നേടിയെടുക്കാന്‍ ഓരോരുത്തര്‍ക്കും കഴിയണം. സ്വയം നവീകരണത്തിന് തയ്യാറായാല്‍ ഏതു പ്രതിസന്ധിയെയും തരണം ചെയ്യാന്‍ കഴിയും. പൊതുപ്രവര്‍ത്തനം സമൂഹത്തിന്റെ മാറ്റത്തിനു വേണ്ടിയാകണം. വ്യക്തി ബോധത്തോടെയുള്ള പ്രവര്‍ത്തനം നടത്തി സമൂഹത്തിനു സേവനം ചെയ്യുന്നവര്‍ എല്ലാ കാലഘട്ടത്തിലും അനുസ്മരിക്കപ്പെടും. വിനീതമായ വ്യക്തിത്വത്തിന് ഉടമയായി മാറാന്‍ ഓരോ പൊതുപ്രവര്‍ത്തകനും കഴിയണം. മാറ്റത്തിനുസരിച്ച് രാഷ്ട്രീയ പാര്‍ട്ടികളുടെ പ്രവര്‍ത്തനത്തില്‍ പൊളിച്ചെഴുത്ത് അനിവാര്യമാണെന്ന് അദ്ദേഹം പറഞ്ഞു.
മുസ്‌ലിം ലീഗ് ജില്ലാ പ്രസിഡന്റ് കെ.എം.എ ഷുക്കൂറിന്റെ അധ്യക്ഷതയില്‍ നടന്ന ചടങ്ങില്‍ പി. ഉബൈദുള്ള എം.എല്‍.എ അനുസ്മരണ പ്രഭാഷണം നടത്തി. ജില്ലാ ലീഗ് ജന. സെക്രട്ടറി എം.എസ് മുഹമ്മദ് സ്വാഗതമാശംസിച്ചു. കടയ്ക്കല്‍ അബ്ദുല്‍ റഷീദ് മൗലവി പ്രാര്‍ഥനക്ക് നേതൃത്വം നല്‍കി. മുസ്‌ലിംലീഗ് സംസ്ഥാന സെക്രട്ടറി ടി.എം സലിം, ഡി.സി സി പ്രസിഡന്റ് റോയി കെ. പൗലോസ്, കേരള കോണ്‍ഗ്രസ് എം. ജില്ലാ പ്രസിഡന്റ് പ്രൊഫ. എം.ജെ ജേക്കബ്, യു.ഡി.എഫ് ജില്ലാ ചെയര്‍മാന്‍ അഡ്വ. എസ്. അശോകന്‍, പ്രസ് ക്ലബ് പ്രസിഡന്റ് ഹാരിസ് മുഹമ്മദ്, അല്‍ അസ്ഹര്‍ ഗ്രൂപ്പ് ചെയര്‍മാന്‍ കെ.എം മൂസ, സി.എം.പി ജില്ലാ സെക്രട്ടറി കെ. സുരേഷ്ബാബു, പി..പി അസീസ് ഹാജി, പി.എസ് അബ്ദുല്‍ ജബ്ബാര്‍, എം.എം ബഷീര്‍, വി.എം അബ്ദുല്‍ റഹ്മാന്‍, കെ.എം ഖാദര്‍കുഞ്ഞ്, പി.കെ അബ്ദുല്‍ ഖാദര്‍, അഡ്വ. ഇ.എസ് മൂസ, നഗരസഭ ചെയര്‍പേഴ്‌സണ്‍ സഫിയ ജബ്ബാര്‍, നേതാക്കളായ ടി.കെ നവാസ്, റസ്സാഖ് വെട്ടിക്കാട്ട്, പി.എന്‍ സീതി, കെ.എം സലിം, സല്‍മാന്‍ ഹനീഫ്, മുഹമ്മദ് ഷഹിന്‍ഷാ, മൊയ്തു കുനിയില്‍, ലബ്ബാ സാഹിബിന്റെ സഹധര്‍മിണി ഖദീജ ഹജ്ജുമ്മ എന്നിവര്‍ സംസാരിച്ചു.