ആലപ്പുഴ : പ്രകൃതി വാതകത്തെ സംബന്ധിച്ച് ജനങ്ങളില്‍ അവബോധം സൃഷ്ടിക്കുന്നതിനായി സെന്റര്‍ ഫോര്‍ ഗ്രീന്‍ ടെക്‌നോളജി ആന്റ് മാനേജ്‌മെന്റ് പെട്രോനെറ്റ് എല്‍ എന്‍ ജി ട്രാവന്‍കൂര്‍ ചേമ്പര്‍ ഓഫ് കൊമേഴ്‌സ് എന്നിവയുടെ സംയുക്ത ആഭിമുഖ്യത്തില്‍ ആലപ്പുഴ റോയല്‍ പാര്‍ക്കില്‍ സെമിനാര്‍ സംഘടിപ്പിക്കുന്നു.
രാവിലെ പത്തിന് ആരംഭിക്കുന്ന സെമിനാര്‍ ധനമന്ത്രി ഡോ. ടി എം തോമസ് ഐസക്ക് ഉദ്ഘാടനം ചെയ്യും. ചെയര്‍മാന്‍ ജി അനില്‍ കുമാര്‍ സ്വാഗതം പറയും. ഡോ. എം പി എസ് നായര്‍ മുഖ്യപ്രഭാഷണം നടത്തും.
എം ആര്‍ രാജേന്ദ്രന്‍ , ടി എന്‍ നീലകണ്ഠന്‍ , ജി രാധാകൃഷ്ണന്‍, എസ് പൊന്നമ്പലം, ടി ടി കുരുവിള തുടങ്ങിയവര്‍ സംസാരിക്കും. വാര്‍ത്താസമ്മേളനത്തില്‍ ജി അനില്‍കുമാര്‍ ,രാജന്‍നന്ദന്‍, രാധാകൃഷ്ണന്‍ തുടങ്ങിയവര്‍ പങ്കെടുത്തു.