ചേര്‍ത്തല: ബി.ഡി.ജെ.എസ് ചേര്‍ത്തല നിയോജകമണ്ഡലം കമ്മറ്റിയുടെ നേതൃത്വത്തില്‍ ഇന്നു വൈകുന്നേരം മൂന്നിന് പൊലീസ് സ്റ്റേഷന്‍ മാര്‍ച്ച് നടത്തും.
      ബി.ഡി.ജെ.എസ് ചേര്‍ത്തല നിയോജകമണ്ഡലം പ്രസിഡന്റ് നിഷീദ് തറയിലിനെ കള്ളക്കേസില്‍ കുടുക്കാനുള്ള സി.പി.എമ്മിന്റെ നീക്കത്തിനെതിരെയുള്ള പ്രതിഷേധമായാണ് പൊലീസ് സ്റ്റേഷന്‍ മാര്‍ച്ച് നടത്തുന്നതെന്ന് ഭാരവാഹികള്‍ അറിയിച്ചു. ബി.ഡി.ജെ.എസ് വനിത നേതാവ് പണമിടപാടുകാരനും സി.പി.എം പാര്‍ട്ടി മെമ്പറുമായ മൂലേവെളിയില്‍ പുരുഷോത്തമനെതിരെ നല്‍കിയ പരാതി സി.പി.എം നേതാക്കളും പൊലീസും ചേര്‍ന്ന് അട്ടിമറിക്കുകയും പുരുഷോത്തമനും ഭാര്യയും ചേര്‍ന്ന് പരാതിക്കാരിയുടെ മകന്റെ കൈപിടിച്ച് തിരിക്കുകയും മര്‍ദ്ധിക്കുകയും ചെയ്തതു.
      പിന്നീട് നിഷീദ് തറയിലിനും ടൗണ്‍ കമ്മറ്റി പ്രസിഡന്റ് അജിത്തിനുമെതിരെ സി.പി.എം നേതാക്കള്‍ കള്ളക്കേസ് കൊടുക്കുകയായിരുന്നുവെന്ന് ബി.ഡി.ജെ.എസ് ആരോപിക്കുന്നു. ബി.ഡി.ജെ.എസ് നിയോജകമണ്ഡലം സെക്രട്ടറി പി.ജയകുമാര്‍, നിയോജകമണ്ഡലം സെക്രട്ടറിമാരായ പി.ജയകുമാര്‍, എസ്.രാജേഷ്, ആര്യന്‍, വൈസ് പ്രസിഡന്റായി ജിയശിവപ്രസാദ്, ജോ.സെക്രട്ടറി നടേശന്‍, വിനോദ് മായാ റോജ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.