മലപ്പുറം: കുട്ടികള്‍ക്കുനേരെയുള്ള അതിക്രമങ്ങളെ തടയുന്നതിനും സംരക്ഷണം ഉറപ്പുവരുത്തുന്നതിനുമായി സാമൂഹികനീതി വകുപ്പ്, ജില്ലാ ചൈല്‍ഡ് വെല്‍ഫെയര്‍ കമ്മിറ്റി, ജുവനൈല്‍ ജസ്റ്റിസ് ബോര്‍ഡ്, സന്നദ്ധ സംഘടനകള്‍ എന്നിവയുടെ സഹകരണത്തോടെ ഇന്ന് അന്താരാഷ്ട്ര ശിശുദിനം ആചരിക്കും.
കോട്ടക്കുന്നില്‍ വൈകിട്ട് നാലിനു നടക്കുന്ന പരിപാടിയില്‍ പി. ഉബൈദുള്ള എം.എല്‍.എ, ജില്ലാപഞ്ചായത്ത് അംഗങ്ങള്‍, നഗരസഭാ ചെയര്‍പേഴ്‌സണ്‍, സബ് കലക്ടര്‍, ചൈല്‍ഡ് വെല്‍ഫെയര്‍ കമ്മിറ്റി പ്രതിനിധികള്‍, ജുവനൈല്‍ ജസ്റ്റിസ് ബോര്‍ഡ് മെമ്പര്‍മാര്‍, ജില്ലാ സാമൂഹികനീതി ഓഫിസര്‍, പൊലിസ് പ്രതിനിധികള്‍, കുട്ടികളെ താമസിപ്പിക്കുന്ന സ്ഥാപനങ്ങളിലെ സൂപ്രണ്ടുമാര്‍ പങ്കെടുക്കും.