മട്ടാഞ്ചേരി:കുമ്പളങ്ങി ഗവ.യു.പി.സ്‌കൂളില്‍ പി.എസ്.സി.പരീക്ഷയ്ക്കുള്ള സൗജന്യ പരിശീലന പരിപാടി ആരംഭിച്ചു.
കെ.ജെ. മാക്‌സി എം.എല്‍.എ ഉദ്ഘാടനം ചെയ്തു. വിദ്യഭ്യാസത്തിനൊപ്പം മത്സര പരീക്ഷകളിലും സാധാരണക്കാരന്റെ മക്കള്‍ക്ക് മികവ് പുലര്‍ത്തുന്നതിന് പദ്ധതികള്‍ ഒരുക്കുമെന്ന് അദ്ദേഹം പറഞ്ഞു.
സാധാരണക്കാര്‍ ഏറെ വസിക്കുന്ന മേഖലയാണ് പശ്ചിമകൊച്ചി. വിദ്യഭ്യാസ രംഗത്ത് അടുത്ത കാലത്ത് മുന്നേറുന്നതിന് കഴിഞ്ഞിട്ടുണ്ടെങ്കിലും സര്‍ക്കാര്‍ ജോലിയടക്കമുള്ള മത്സര പരീക്ഷകളില്‍ മേഖലയില്‍ നിന്നുള്ള സാധാരണക്കാരായ ഉദ്യേഗാര്‍ത്ഥികള്‍ക്ക് മുന്നേറുവാന്‍ കഴിഞ്ഞിട്ടില്ലായെന്നും അദ്ദേഹം പറഞ്ഞു.
കുമ്പളങ്ങി ഗ്രാമ പഞ്ചായത്ത് പ്രസിഡന്റ് മാര്‍ട്ടിന്‍ ആന്റണി അദ്ധ്യക്ഷത വഹിച്ചു.
വാര്‍ഡ് മെമ്പര്‍ എം.പി രത്തന്‍ പദ്ധതി വിശദീകരിച്ചു. പഞ്ചായത്ത് വൈസ് പ്രസിഡന്റ് അമലബാബു, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ എന്‍.എസ് സുബീഷ്, കെ.കെ സുരേഷ് ബാബു. മാര്‍ഗരറ്റ് ലോറന്‍സ്, സെക്രട്ടറി പി.പി.ഷീല, പഞ്ചായത്തംഗം ഷീല എന്നിവര്‍ സംസാരിച്ചു.