ഫറോക്ക്: റോഡരികിലെ മാലിന്യനിക്ഷേപ കേന്ദ്രത്തില്‍ തീപിടിച്ചു. പുക പടര്‍ന്ന് ഗതാഗതം സ്തംഭിച്ചു. ഫറോക്ക് നഗരസഭയുടെ മാലിന്യനിക്ഷേപ കേന്ദ്രത്തില്‍ കൂട്ടിയിട്ട പ്ലാസ്റ്റിക്കുള്‍പ്പെടെയുള്ള മാലിന്യങ്ങള്‍ക്കാണ് തീപിടിച്ചത്. നഗരസഭ ഓഫിസിനു അകലെ ചാലിയാറിനും റോഡിനും മധ്യേയാണ് മാലിന്യനിക്ഷേപ കേന്ദ്രം.
ഇന്നലെ ഉച്ചയ്ക്കു 12.30ഓടെയാണ് തീപടര്‍ന്നത്. റോഡിലൂടെ പുക പടര്‍ന്നതിനാല്‍ സമീപത്തെ വ്യാപരസ്ഥാപനങ്ങളും പ്രദേശവാസികളും പ്രയാസപ്പെട്ടു. പുക കാരണം ദേശീയപാതയില്‍ നിന്നു ഫറോക്ക് ടൗണിലേക്കുള്ള ഗതാഗതവും നിലച്ചു. നാട്ടുകാര്‍ വിവരമറിയിച്ചതിനെ തുടര്‍ന്നു ഫയര്‍ഫോഴ്‌സെത്തയാണ് തീയണച്ചത്.