പനാമ സിറ്റി: കരീബിയന്‍ കടലില്‍ രൂപം കൊണ്ട ഓട്ടോ ചുഴലിക്കാറ്റിലും ശക്തമായ മഴയിലും പനാമയില്‍ മൂന്നു പേര്‍ മരിച്ചു. പനാമ സിറ്റിയില്‍ സ്‌കൂളിനു സമീപം കാറിനു മുകളില്‍ മരം വീണ് ഒരു കുട്ടിയും രണ്ട് പേര്‍ മണ്ണിടിച്ചിലിലുമാണ് മരിച്ചത്. നിരവധി പേര്‍ക്ക് പരുക്കേറ്റിട്ടുണ്ട്.
മണ്ണിടിച്ചിലില്‍പെട്ട് ഒമ്പതോളം പേരെ കാണാതായിട്ടുണ്ട്. ചുഴലിക്കാറ്റുമൂലം കരീബിയന്‍ കടല്‍തീരത്തു നിന്നും 4000ത്തോളം പേരെ മാറ്റിപ്പാര്‍പ്പിച്ചു. രാജ്യത്തെ സ്‌കൂളുകളും മറ്റു സ്ഥാപനങ്ങളും അടച്ചു. നിക്കാര്‍ഗ്വ- കോസ്റ്ററിക്ക അതിര്‍ത്തി പ്രദേശത്താണ് ദുരന്തം. ശക്തമായ മഴയും പ്രതികൂല കാലാവസ്ഥയും രക്ഷപ്രവര്‍ത്തനത്തിന് തടസം സൃഷ്ടിച്ചിരിക്കുകയാണ്.