കണ്ണൂര്‍: സംസ്ഥാന എക്‌സൈസ് കായിക മേളയില്‍ അത്‌ലറ്റിക്‌സ്- ഗെയിംസ് വിഭാഗത്തില്‍ തൃശൂര്‍ ജില്ല മുന്നില്‍. 34 ഇനങ്ങള്‍ പൂര്‍ത്തിയായപ്പോള്‍ 129 പോയിന്റുമായാണ് തൃശൂര്‍ മുന്നിലെത്തിയത്. 122 പോയിന്റു നേടിയ എറണാകുളം രണ്ടാം സ്ഥാനത്തും 63 പോയിന്റോടെ മലപ്പുറം മൂന്നാം സ്ഥാനത്തുമുണ്ട്. 39 പോയിന്റുമായി ഇടുക്കി ജില്ലയാണ് നാലാം സ്ഥാനത്ത്. ഗെയിംസ് ഇനത്തില്‍ ക്രിക്കറ്റ്, വോളിബോള്‍ മത്സരത്തില്‍ ഇടുക്കി ജേതാക്കളായപ്പോള്‍ ഷട്ടില്‍ ഡബിള്‍സില്‍ കണ്ണൂര്‍ ജേതാക്കളായി. സിംഗിള്‍സില്‍ കണ്ണൂരിന്റെ സുകേഷിനെ പരാജയപ്പെടുത്തി തൃശൂരിന്റെ സദയകുമാര്‍ വിജയിച്ചു. ഫുട്‌ബോള്‍ മത്സരത്തില്‍ പെനാല്‍റ്റട്ടി ഷൂട്ടൗട്ടിലൂടെ കോഴിക്കോടിനെ പരാജയപ്പെടുത്തി വയനാട് വിജയിച്ചു. ഇരു ടീമുകളും ഓരോ ഗോളുകള്‍ നേടിയാണ് സമനിലയിലായത്. മേള കണ്ണൂര്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു.