കോഴിക്കോട്: രാഷ്ട്രീയത്തെ ആത്മീയതയുടെ തലത്തിലേക്കു കൊണ്ടുപോയിരുന്ന ദേശീയ പ്രസ്ഥാനങ്ങളില്‍നിന്നു വ്യത്യസ്തമായി ആത്മീയതയെ രാഷ്ട്രീയമായി മുതലെടുക്കാനാണ്് ചിലര്‍ ശ്രമിക്കുന്നതെന്ന് കെ.പി.സി.സി വൈസ് പ്രസിഡന്റ് വി.ഡി സതീശന്‍.
അളകാപുരി ഓഡിറ്റോറിയത്തില്‍ നടന്ന മുഹമ്മദ് അബ്ദുറഹിമാന്‍ സാഹിബ് അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിട്ടുവീഴ്ചയില്ലാതെ മതത്തില്‍ ഉറച്ചുനിന്ന് ദേശീയവാദത്തെ ഉയര്‍ത്തിപ്പിടിച്ച വ്യക്തിയായിരുന്നു സാഹിബെന്നും ഉന്നതമായ ജനാധിപത്യ ബോധമുള്ളവര്‍ മതത്തില്‍ വിശ്വാസമുള്ളവരായിരിക്കുമെന്നും അദ്ദേഹം കൂട്ടിച്ചേര്‍ത്തു. ഹമീദ് ചേന്ദമംഗല്ലൂര്‍ അധ്യക്ഷനായി. എ. പ്രദീപ്കുമാര്‍ എം.എല്‍.എ മുഖ്യപ്രഭാഷണം നടത്തി. ആര്യാടന്‍ ഷൗക്കത്ത് അനുസ്മര പ്രഭാഷണം നടത്തി. എന്‍.പി ഹാഫിസ് മുഹമ്മദ്, ടി.കെ.എ അസീസ്, ഇ.വി ഉസ്മാന്‍ കോയ സംസാരിച്ചു.