കല്‍പ്പറ്റ: കേരളത്തിലെ ഗോത്ര വിഭാഗങ്ങള്‍ക്കായി എച്ച്.ആര്‍.ഡി.എസ് ഇന്ത്യ സദ്ഗ്രഹ എന്ന പേരില്‍ നിര്‍മ്മിച്ച് നല്‍കുന്ന വീടുകളുടെ നിര്‍മാണ പ്രവര്‍ത്തനങ്ങള്‍ എച്ച്.ആര്‍.ഡി.എസ് ഇന്ത്യ ഫിനാന്‍ഷ്യല്‍ അഡൈ്വസറി ബോര്‍ഡ് ചെയര്‍ പേഴ്‌സണ്‍ ലാലി തച്ചില്‍ തറക്കല്ലിട്ടു. എച്ച്.ആര്‍.ഡി.എസ് സെക്രട്ടറി അജി കൃഷ്ണന്‍, പ്രസിഡന്റ് ഡോ ബാബു രഘുനാഥ്, സി.വി വിവേകാനന്ദന്‍, അനു ശിവറാം, സുധീഷ് ചന്ദ്രന്‍, ആദിവാസി കോണ്‍ഗ്രസ് ജില്ലാ പ്രസിഡന്റ് കെ.വി രാമന്‍, ശരവണന്‍ രാമചന്ദ്രന്‍, പി.കെ ശശിധരന്‍, പ്രൊജക്ട് ഡയറക്ടര്‍ പി സുദേവന്‍ പങ്കെടുത്തു. 30 ദിവസത്തിനുള്ളില്‍ പൂര്‍ത്തീകരിക്കുന്ന ആധുനിക സാങ്കേതിക വിദ്യ ഉപയോഗിച്ചണ് ഭവന പദ്ധതി നിര്‍മ്മാണം.
സോളാര്‍ ലൈറ്റ് ഉള്‍പ്പടെ ഒരു വീടിന്റെ നിര്‍മ്മാണ ചിലവ് 392000 രൂപയാണ്. ഇന്ത്യയിലേയും വിദേശത്തേയും ചില കമ്പനികളുടെ സഹായത്തോടെ ആദ്യ ഘട്ടം 500 വീട് നിര്‍മിക്കാനാണ് പദ്ധതിയെന്ന് സെക്രട്ടറി അജി കൃഷ്ണന്‍ അറിയിച്ചു.