കുടക്: ജില്ലയിലെ ബാഗമണ്ഡലത്തിനടുത്തു താവൂര്‍, ചെട്ടിമാനി
പ്രദേശങ്ങളില്‍ കഴിഞ്ഞ ദിവസം മാവോയിസ്റ്റുകള്‍ ഇറങ്ങിയതായി സൂചന. തോക്കുമായി നടക്കുന്ന നാല്‍വര്‍ സംഘത്തില്‍ മൂന്ന് പുരുഷന്‍മാരും ഒരു സ്ത്രീയുമാണുള്ളത്. കഴിഞ്ഞ ദിവസം ഈ ഭാഗത്ത് പൊലിസ് തെരച്ചില്‍ നടത്തിയെങ്കിലും ആരെയും കണ്ടെത്താനായില്ല. ചെട്ടിമാനിയില്‍ പൊലിസ് ക്യാംപ് ചെയ്യുന്നുണ്ട്. കഴിഞ്ഞദിവസം രാത്രിസമയം അപരിചിതമായ നാലു പേരടങ്ങുന്ന ഒരു സംഘം താവൂറിലെ ഒരു വീട്ടില്‍ താമസിച്ചുവെന്നു സംശയിക്കുന്നു. ഇവര്‍പുലര്‍ച്ചെ വീടുവിട്ടു പോയതായി നാട്ടുകാര്‍ പറഞ്ഞു. കഴിഞ്ഞ ദിവസം കാപ്പിതോട്ടത്തില്‍ പതുങ്ങിയിരുന്ന് രണ്ടുപേര്‍ സ്‌കൂള്‍ വിദ്യാര്‍ഥിയെ തട്ടിക്കൊണ്ടുപോകാന്‍ ശ്രമിച്ചിരുന്നു. ബഹളംകേട്ട് ആളുകള്‍ ഓടിയെത്തിയപ്പോഴേക്കും അപരിചിതര്‍ കാപ്പിതോട്ടത്തില്‍ ഓടി മറഞ്ഞു. ബാഗമണ്ഡലം സ്‌കൂളില്‍ പഠിക്കുന്ന കുയ്യമുഡി രമേഷിന്റെ മകന്‍ ലവിനെയാണ് വീട്ടിലേക്കുള്ള വഴിയില്‍ വച്ച് തട്ടിക്കൊണ്ടുപോകാന്‍ ശ്രമിച്ചത്.