മെല്‍ബണ്‍: ചതുര്‍രാഷ്ട്ര ഹോക്കിയിലെ നിര്‍ണായക പോരാട്ടത്തില്‍ ഇന്ത്യക്ക് തോല്‍വി. ന്യൂസിലന്‍ഡ് ഇന്ത്യയെ 2-3നു പരാജയപ്പെടുത്തി. തോല്‍വിയോടെ ഇന്ത്യ മൂന്ന്- നാല് സ്ഥാനക്കാര്‍ക്കുള്ള പോരാട്ടത്തില്‍ മലേഷ്യയുമായി ഏറ്റുമുട്ടും.
ആദ്യ മത്സരത്തില്‍ ആസ്‌ത്രേലിയയോടു തോറ്റ ഇന്ത്യ രണ്ടാം മത്സരത്തില്‍ മലേഷ്യയെ കീഴടക്കി പ്രതീക്ഷ കാത്തിരുന്നു. എന്നാല്‍ നിര്‍ണായക പോരാട്ടത്തില്‍ ഇന്ത്യ ന്യൂസിലന്‍ഡിനോടു പൊരുതി വീഴുകയായിരുന്നു. ഇന്ത്യയുടെ രണ്ടു ഗോളുകളും രൂപിന്ദര്‍ പാല്‍ സിങ് സ്വന്തമാക്കി. 18, 57 മിനുട്ടുകളിലാണ് താരം ഗോളുകള്‍ നേടിയത്.